ياقيس ليلى هذا انا قيس اسماء
في حبها عدّيت كل الأساطير
أجمل معاني الحب والشوق واسمى
حتى الغلا في قلبها يابشر غير
من قال إن الحب ياشوق أعمى
لو هو كذا ماتشوفني في الهوى طير
أعيش في عالي سماها ولا أضما
وأشوفها في عيون كل الغنادير
وأتنفس الأشواق منها وكل ما
أستنشقه تزداد حبٍ وتقدير
استعذبه مثل العطاشا على الما
واستطربه كاني أغني مقادير
تعيش روحي في رياضه وتنمى
تستمتع إعيوني على الحسن وتصير
مجلس عشق فيه العواشق والاسما
ماتنذكر وكل الحبايب عصافير
سموني العذال مجنون أسما
وأنا وأسما مضرب الحب للغير
التعليقات 1
1 ping
متابع صحيفة خبر عاجل
28/04/2017 في 3:17 ص[3] رابط التعليق
صح لسانك دكتور عبدالرحمن وانا اشهد انك طير حر . خذيتنا معك في حروف واساطير