بقلم : عبدالعزيز بن شلاش العنزي
ســلام وعـيون الـشعر يـكحله مـيل
كـحلت عـين الـقاف لـين إغمزت لي
لـعـيون مــن يـلـقى لـقـافي تـحاليل
بـيـطار يـنـقض يـاهل الـعرف فـتلي
يـفهم وش الـلي اقـصده بالتفاصيل
يـبحث خفا خافي رموزٍ أختفت لي
يـشوف مـاخفّيت في عسعس الليل
حـتى ولـو فـي طـي بير انطوت لي
والـيـوم انــا ابـي مـنه لـلعلم تـاويل
اطـياف حـلمٍ بـالخيال إعـرضت لي
ذنب الجدي جاثم على عاتق سهيل
شفت الكواكب والنجوم إشتكت لي
سـهيل لـو تـوصف عـليه الـرجاجيل
يـغـيب لــو صــوّت لــه مـالتفت لـي
وان طـوّل الـغيبه يـجيب الـمباهيل
غـايـب وبـعـد غـيـاب بـالخير مـتلي
جـاب الـسحاب اللي مزونه مضاليل
يــرزم رعـدهـا والـبروق الـمعت لـي
والـجدي تـرقب لـه عـيون الـدواليل
دلـيـلتي بـالـوصف كــان انّـعـت لــي
يـمكن ورا ادغـاث الـمخايل بـهاذيل
انـا اتـخيل والـهجوس اوصـفت لـي
مـشهد خـيالي جـاب صوره وتمثيل
كــان الـرمـوز الـمـبهمه تـرجمت لـي
تـمـمت انــا مـوجز وفـيه الـتفاصيل
مـن بـعد عين القافيه ما إغمزت لي
التعليقات 1
1 ping
عبدالله بن سعود العنزي
26/05/2017 في 7:06 م[3] رابط التعليق
ابن شلاش الوايلي وافي الكيل
اللي شتل فكري بالابيات شتلي
مريت مجلس فيه صفر المعاميل
اخذت فنجال الفكر يوم جت لي
ان كان حلمك صادق بالمقابيل
لا تاخذ مزونه هل الذود ختلي
تلمع بروقه للصعافيق بالسيل
در البكار المرزمات استوت لي
اما على وضح النقا ريحه الهيل
والا ترى حلمك يعجل بقتلي