الندى
كل صبح أهديلك زهور..
أتزين لك بفاخر العطور..
أتغزل عاشقة جمالك..
ما قلت لك الغرور يحلالك..
يادلالك..
في همسك كل السرور..
في سكوتك موتي ..
يختنق صوتي..
لا تأخرت..
ربنا مايجيب الشرور..
كل حرف كتبته هو لك..
والنبض مايطرب الا بك..
لايصيبك ريب ولاشك..
مرهونة لك..
مابين السطور..
كل احاسيسي..
قالت هيت لك..
تستاهلك..
لك بوحي..
وقصيدي..
عزفي ولحوني ..
وكل شجوني..
ولك أعذب شعور..!
انت فوق البشر..
أغلا من غاب ومن حضر..
لجلك عيني عشقها السهر..
وكل خوفي لايتبعني قصور..
كنت عيني والنظر..
طاب لك في شرياني السفر..
وفي شغافي مستقر..
وردي ووظلي..
وراهي البخور..!
دنيتي إنت وجنتي..
غايتي ورجوتي..
كل أمالي يامنيتي..
وأبنيلك في خيالي قصور..!!
علي تكبرت ..
وعذابي اخترت..
مشكور ماقصرت..
حيل مشكور….!!!!
من القسوة ماخليت شي ..!!
فقت كل ميت..
وكل حي..!!
الحق كله علي ….!!
وليه لا..
الا الحق علي..
الحق على من زرعت..
فيك أصول الغرور.