صالح المسودي
هلا بحبيب القلب والروح والعين
يامرحبا يابعد شوقي وحنيني
الحب مايقبل القسمه على إثنين
الحب الأول عايشٍ في سنيني
مروا عليّ إزيون يابنت والزين
شفته واخترته بروحي وعيني
في غيبتك قلبي متيّم ومسكين
داوه بطلاتك عليّ ياظنيني
مااقدر على غيبتك لو بس يومين
اترك بقايا بعضنا تحتويني
أرفق على قلبي ياأغلى المحبين
أرحم حنين وشوق قلبٍ حزيني
إرجع وخل الفرح يجتاح قلبين
ودي أضمك وماتفارق يديني
هاذي ملامحنا حكايه لحرفين
(حاءٍ وباءٍ ) حب بينك وبيني
بأصبر عسى ربي يعين المحبين
عسى إتحقق أمنياتي وتجيني
التعليقات 2
2 pings
احمد ناصر
13/08/2017 في 11:46 ص[3] رابط التعليق
ماشاءالله عليك كلمات جميله وقافيه اروع
نفتقد للكلمات الجميله مثل هذه الكلمات
اتمنى لك المزيد من هذه الاشعار الرائعه
توفيق
14/08/2017 في 12:42 م[3] رابط التعليق
ارجع وخل الفرح يجتاح قلبين
استمر … استمر بنتظار جديدك