بقلم الشاعر : عبدالرحمن السعيد
فخر الوطن دايم يجي في شبابه
وفخر الشباب بوقتنا نجل سلمان
ولي عهد المملكه بالنيابه
الشعب عنده ربع وأصحاب وأخوان
الله خلق عز الوطن من ثيابه
شامخ بوقفاته مع كل الأوطان
جدد معالم كبرياء الصحابه
جمّع دوّل مابينهم حزب خوّان
يفزع بوقفاته يفك النّشابه
شهمٍ وإسمه يرتبك منه عدوان
ساهم بمداته وساعد غلابه
وأنصف مواطن من متاهات الأزمان
أنت الذي لاغبت يظهر غيابه
يسأل مكانك عنك ياذرب الإيمان
ثقيل ثقل الما بوسط السحابه
في جيتك ترسم بها الأرض بستان
من زود نبلك ترتيجك الكتابه
إنك تكون النجم يانجم الأكوان
قدوة شباب المملكه والذيابه
نادر وجودك يامحمد إلى الآن
مافيه من يشبهك فعل وذرابه
ومافيه من يلحقك طيبٍ وإحسان
شموخ خالط عنفوان ومهابه
شعور رحمه زخرفه حزم سلمان