فواز المهنا
عطني فعل مليت من كثر الكلام
لوعودك اللي ما انوفت عندي رصيد
شعلة حكي ماتكفي لطرد الظلام
وأنا إمتأمل صبح يتنفس جديد
ياصاحبي وإن صار في نبضك صيام
وشيٍّ قريب اليوم هو عني بعيد
كان المقام اليوم هو غير المقام
قل لي ولا تأملني بمصباح عيد
مادامنا للحين في برد وسلام
أسهل قبل لا نوصل لـ ” هل من مزيد “
لأن الوضوح اللي قبل .. ساده غمام
وعقب إمتلائي فيك تاركني وحيد
لي مركبٍ لامن تحول للحطام
لحن الأسف لو تعزفه لي مايفيد
لاني بقفل باب قلبي باحترام
وأعوّد الخافق على الصرف الزهيد
وأعز نفسي عن مشاريه وملام
ومن عز نفسه عاش بالدنيا سعيد