مرحوم ياتركي ومرحوم سلطان
والله يرحم كل غالي فقدنا
الموت حق وقدّره عالي الشان
آمنت باللي فيك تركي فجعنا
موتك حفر فينا عميقات الأحزان
لا شك أذعنا لربي وأطعنا
مرحوم ياتركي ويجزاك غفران
والله يصبرنا ويجبر كسرنا
عزيت فيك الطيب ياطيب الأخوان
يامن على صيتك سنين أجتمعنا
ياعزوتي يافزعتي يا كحيلان
يامحنشي الأفعال كلمه ومعنى
يا ابن الزعيم اللي له المجد عنوان
شيخ الكرام الغانمه بمجتمعنا
تركي وهات الدمع ياموق الأعيان
وإغسل على فقد المعرّب وجعنا
ليت الحوادث يُتقا شرها كان
عنك إتقينا بالنفوس ودفعنا
وليت المنايا شخص واضربه بسنان
واصفعه قبل إنه بفقدك صفعنا
ياعالي الأنساب تبكيك الأزمان
ويبكيك دارٍ بالاخوه حضنا
أبوحجر يبكيك قاعٍ وحجران
ومحانشه تبكي ومنهو سمعنا
وتبكي عليك الغيد في كل ميدان
فيهم تلاقينا ومعهم رتعنا
والله واللي شال بالأمس سلطان
وأجرى مدامعنا ونقض وجعنا
إنك مثل سلطان يا روح إنسان
فيك الرثا سقنا حزينه وصغنا
ويالله ياللي تعلم بكل ما كان
هون علينا هول فقدٍ فجعنا
ومرحوم ياتركي ومرحوم سلطان
والله يصبّرنا ويجبر كسرنا
النورس…ابوسلطان
عبدالرحمن علي عطيه محنشي