بقلم الشاعر : عبدالرحمن السعيد
( انـا كـلي لـك ) إقـري يسارٍ أو يمين
نـفـس الـمـحبه لــك وشـعـور الـحنان
نـفس الـهوى الـلي مـلكته مـن سـنين
نـفس الغلا والعشق وإحساس الأمان
يـاما رسـمنا الـشوق في وجه الحنين
يـامـا كـتـبنا الـحب فـي طـي الـزمان
حـلـمي كـبـر مـن كـثر مـاترويه عـين
بـدمـوعـها وتـنـبـت حـوالـيـنه جـنـان
جــنـة عــشـق مـحـفوفةٍ بـالـياسمين
ودروبــهـا ورد الـخـزامـى وقـحـويان
مـخـلوطةٍ مـابـين غـنـج وبـيـن لـيـن
مـخـلـوقـةٍ بــيـن الــرزانـه والـجـنـان
الله كـتـب لــي حـبـها والـعـشق لـيـن
يُـتـلـى عــلـى قـلـبي تـلـواتٍ حـسـان
( أنـا كـلي لـك ) ماهي مجرد كلمتين
انــا كـلـي لــك تـقـدر تـسميها ضـمان
عـيـشـي بـهـا يـابـنت قــد مـاتـقدرين
عيشي بها شيخه على روس الحسان
أنــا كـلي لـك اقـريها عـكسٍ أو يـمين
تـلـقين نـفس الـحب وشـعور الـحنان