عبدالرحمن السعيد
بقانون حبي مايبرر غيابك
إلا إذا فارقتني حزة النوم
ويحق لي لأشتقت أدق بابك
لأنك بعيني دوم ياراحتي دوم
وإن مرّني في يوم طاري عذابك
بأفتح لهمّك قلب وأكفيك ع اللوم
أخاف لاتزعل ويكبر مصابك
وأصير بغيابك معذب ومحروم
خل الشقى يطردك كنّك سرابك
مايلحق القمرا ولا ياصل إنجوم
زهرة حياة الحب فيني بشبابك
مالك ومال اللي يسبب لك إهموم
ماني متابع واتسك أو سنابك
أنا أتابع نبض قلبك مع اليوم
لأني أحبك ومايبرر غيابك
إلا مع (#تصبح_على_خير) للنوم