شموخ المالكي
سلام ياربعي هل العز والجود
والمرجله والفايده والجمايل
للمالكي وقفه كما الشامخ الطود
وفعله ينومس لا ذكرنا الفعايل
فخري بكم ياعزوتي ماله احدود
فيكم يكون العز والراس طايل
تاريخكم راسخ وناصع ومشهود
ولكم مواقف عدلت كل مايل
من سطر الامجاد ماهو بمجحود
يوم النوافع والخيول الاصايل
الطيب فيكم ياهل الطيب في زود
ومقامكم مرفوع بين القبايل
حبل الوفاء في سلمكم دوم ممدود
واصبح كرمكم مضربٍ للمثايل
ودياركم فيها العطاءات والفود
وعندي على كل الحقايق دلايل
لوز البجيلي صار له فعل معدود
شانه عظيم ودائماً في الاوائل
وفيها مناحيل العسل تشفي اكبود
والطيب والمعروف والشك زايل
ولكم تحيه عد ماهبت النود
وعداد ماتكتب بيوتٍ جزايل
من شاعرة تعبيرها مسكٍ وعود
وتصوير للواقع بكل الوسايل