عبدالرحمن السعيد
ياعمري الماضي وياعمري الجاي
ويافرحتي بسنيني المقبلاتي
ياما عزفني الحزن في سهرة الناي
وياما كسرني الوقت في ذكرياتي
وإستبشرت بك دنيتي يوم لقياي
صدفه ويامحلى صدف أمنياتي
حلمي أجي لك من ورى كل دنياي
وأحققك وتصير أهدى سباتي
أنتِ مطر عمري وأجمل حكاياي
وأنتِ تباشير الفرح في حياتي
يحفظك ربي وماتشوفك خطاياي
والتوبه التوبه من ابسط سواتي
أنتِ على ماأظن أبيض نواياي
يادعوةٍ مذكورةٍ في صلاتي
أنتِ مثل حكمة هل الشور والراي
وآخر طموحات الحكي في سكاتي
لاجيت أقولك أذكر الله بمبداي
وأرتلّك إحساس في جو ذاتي