عبدالله البطيّان
وجهي يجيك من التعب كن ماصار
إلا وجـودك صفــحة ٍ فـ ارتيـاحي
جالك يبي بعض العوض و التدبّار
من لمستك لمـن تداعب جراحي
كثير أحمـل (هـم) وآشيل بي نار
واتولع بـ (نوامتـك) يا صـــباحـي
دامــي علــى ليـل الفراق الذي دار
ماذقت نومه والذهن بات صاحي
وكثرت من الصفحات يابلسم احتار
يرسم عناوين الحضور وصياحي
وينك؟ ترى وجهي تعب حيل وانهار!
شوفــيه يـا حبي سمعتي نياحي؟
شكلي كذا معجبك؟ يا شوقي الحار
عطيه جوك واطلقي من سراحي
واعطيني من ناعم حنانك وتذكار
دافي يرجع لي عبيري ،وشـاحــي
لازال ينبض قلب بسمك وما جار
لولا الحياة المتعبه في مــراحــي
يمرح تعب وجهي وبالظهر سنار
مغروس من صاحب أكل من كفاحي
لازلــت بالهــمه ولــي عـزم جــبار
يا مهجتي لبــي علــيّ اقــتراحـي
يمكن بلمسـاتك أعيشك وأخــتار
(إلا وجـودك صفـحة ٍ فـ ارتياحي)