عبدالرحمن السعيد
احس قلبي ينبضك في عروقي
ومحبتك تجري مع صافي الدم
يامعطرٍ روحي وبلسم حروقي
ياجابرٍ كسر الزمن من ورى الهم
ياساكنٍ قلبي وواحات موقي
ياراقيٍ عن مستوى طايل الذم
من مغرب الضيقة لحزة شروقي
وأنا أعدّك في حنايا الولى كم
أشتقت لك لين أنبرى حال شوقي
وأرجع وأشتاقك والإحساس ملهم
في داخلي صوت الوله من خفوقي
يشبه نزاع الموج مع غاضب اليم
يافرحة الولهان ياكل توقي
نظره من إعيونك لها نبضتي تم
البُعد من أول مراحل عقوقي
والشوق يشكي والجفا أبكمٍ صم
ياغاية المشتاق أبسط حقوقي
إنك تعانقني ولا نكتفي لم
لأني أحسك نبض داخل عروقي
ومحبتك مثل الكريّات في الدم
التعليقات 1
1 ping
الفجرالبعيد
20/06/2018 في 3:32 ص[3] رابط التعليق
صح منطوقك 👏🏼👏🏼👏🏼👏🏼