حسن آل مشرف السهيمي
الـهـجوس الـلـي عـلى صـدري تـجثم
لـيـن حـسـيته كـسـر عــوج الـمحاني
حلم .. مدري وحي .. والا الله واعلم
اوغـشـاني مـن قـصيدي .. مـاغشاني
كــل شـاعـر بـعـض الاحـيـان يـتـوهم
شـي جـاني بـس مـدري ويـش جاني
كنت صاحي ..ما اخبر الصاحي تحلم
فـي مـكاني … بـس ماني في مكاني
شـفت حـولي بـحر مـدري موج يلطم
وصـرت احـس ان الزمن ماهو زماني
صـوت جـاني مـثل صوت اللي تلعثم
جــا يـسـولف .. مـيـر خـانته الـمعاني
قـال تحفظ من قصيد الشيخ الاطرم
الاصـــم الـلـي حـفـظ سـبـع الـمـثاني
قـلـت مـنـهو ؟ قـال ركـز وانـت تـفهم
ولاتـقـاطـعـني تــــرا وقــتـي ثــوانـي
هــذا شـاعـر مــن بـني دهـمان مـسلم
اســمـه الـطـيـكل ولاهـــو مـودمـانـي
قـالـت بـيـت ن فـيه يـمدح آل شـلذم
واسـمـحـولي انــقـل الـبـيت بـلـساني
آل شــلـذم لا اشـــروا لـلـبـحر يـلـجم
مــن ضـجيج انـفاسهم تـغرق مـواني
ومــاوعـيـت الا بــعــد مــاهـو تـكـلـم
وقـمـت اردد فــوق بـيـته بـيت ثـاني
الـعـقـيق الــلـي طـــرف فــصـه تـثـلم
كـنـت اضـنه مـن حـجر احـمر يـماني
والـمـعاني لابــدت فــي شـكـل مـبهم
سـجـلـوها فـــي كــتـاب الاصـفـهـاني
حــسـب رأئـــي تـعـتبر ضـربـة مـعـلم
لـلـعـيـون الــلــي تــســوي مــاتـرانـي
التعليقات 1
1 ping
ابو تركي
16/07/2018 في 12:06 ص[3] رابط التعليق
صح السانك ابو سارة