شموخ المالكي
يالله ياعالم ٍ بالجهر والهمسي
ياللي عليك ارمي اهمومي واخليها
الدمع هو عطر جسمي والوجع لبسي
والناس ماريحتني من بلاويها
اصوم شهري واصلي لله الخمسي
واترك نوايا بصدري كنت ناويها
وتمر الايام يومي يشبه الامسي
والنفس يالله من الضيقه تعافيها
عن الخطاء والدنا ارفعك يانفسي
واهل القلوب المريضه الله يشفيها
ياغبن عين الذي مستوعب الدرسي
ولاحسب حسبة الدنيا وتاليها
كم واحداً عايشً بين العرب منسي
وكم ميتٍ سمعته بالأرض بانيها
البن وش فايدته ان مانحمس حمسي
وبهر دلال الصبر والله واليها
يديك يالآدمي ماتحجب الشمسي
والله واحد له الدنيا بما فيها