عبدالرحمن السعيد
الحب جمّعنا على شبّة الشوق
وجمر الغلا مايحرق إقلوب وعيون
العشق في عالي سمانا له إبروق
وقلوبنا غاصت وسط عشق مجنون
يانبرة الألآم في صوت مخنوق
موتي بعين اللي به القلب مفتون
وإستبشري يافرحةٍ مالها عوق
جاك الفرج والفرْح بإحساس مزيون
غالي سكن في داخل القلب والموق
سكرة غلا غطت على غامض الكون
تأثير حبّه ساري بدم وعروق
وعشقه مثل كنزٍ وسط قلب مدفون
شمس المحبه أبتدت رحلة إشروق
ومازال شبّتنا بها حب مكنون
أسمى عشق مثل المطر جاي من فوق
يكسر معاناتك ويشفي بك إطعون