احمد بن فهد
كسرك مضاعف وانا مقدر على جبرك
حكيم له خبرةٍ هو من يجبّرها
لو ويش صابك ولو رمح انرمى عبرك
تراه مركوز بضلوعي واصبّرها
مهما تباعد بتلقاني على خبرك
ذخيرتك يوم جندك في عنابرها
ان زان علمك بعد ما مل من صبرك
فالشكر للواحد المولى مدبّرها
وان شان علمك صروف الدهر تختبرك
حاول تهمل ظروفك لا تعبّرها
ان زاد حمل الزمان ارجوك لا تبرك
ترى المراجل تبين من مخابرها
وان صابتك طعنةٍ ما رتبوا قبرك
تصعد بها قمةٍ تسلك معابرها
لو قال عنك ضعيف النفس وان فبرك
بامكانك انك تصغرها وتكبّرها
صدك وهجرك على من شابهه ابرك
وتركك لشيٍ مضى يعني مقابرها
الصمت اقوى هجا ما دوّنه حبرك
لو تنفث اقلوب سودا من محابرها
وان قللوا سوم في مترك وفي شبرك
ابتر سواعد ممتّرها و شابرها
ابغى تبيّن لهم بالفعل وش كبرك
دامك عزيزٍ وفيك امجاد خابرها
اقوالك افعال تفخر بك وتعتبرك
فخرٍ لها يوم مثلك في منابرها