موسى بن محيا
يالله ياللي تسجد الخلق لرضاه
اللي رفع سبعٍ وسبعٍ مهدها
تحفظ لنادرع البيوت المبنّاه
إحزامها قاد المسيره سعدها
خادم بيوت الله ويالله تحماه
والله على التوحيد ثبّت عمدها
والشكر لله يوم عزّه وعافاه
تفرح به الديره وهذا سعدها
كلمة نعم ياسيدي ماتعداه
درع الوطن سلمان عزوة فهدها
صقرٍ ونفحات الكرم من عطاياه
يومٍ على التاريخ بيح سددها
رجل السلام ويالله تسدد (إخطاه)
وياكم عقده حلها من عقدها
ولي عهد المملكه لا فقدناه
حصنٍ حصين وحط جهده بيدها
حاكم حكيم وطالب الحق يلقاه
ومكارمه مقدر احدد عدها
ويالله ياللي كل حيٍ ترجاه
تحفظ لنا حصن الجزيره اسدها
ليث العرين ويالله تشتت (إعداه)
ياوارث امعزي في كفك سعدها
غيثاً على شعبه سخياً بيمناه
جمايله مقدر احدد (مددها)
إنبايعه بالنفس والعهد ينصاه
تقطع يمينٍ ماتوثق عهدها
محمد الضرغام يالله تحماه
حاف المكارم كلها (واعتمدها)
ياوارث معزي ووراث مزاياه
مثل الفهد عمّه دروبه عمدها
يانجد فزي والسعد في محياه
صقرٍ شلع للمرجله وافتردها
ولي عهد المملكه لا عدمناه
الكف صامل والعزايم جلدها
قايد جيوش العز والنصر يبراه
وان شاف ريبه للحمايه حشدها
من راس صقرٍ فالمشاريف تلقاه
الدين شرعه والسياسه عقدها
إسلاحنا بالجو والبر أعطاه
تحية التكميل ثابت عددها
قايد جهاز الامن بالحزم يحماه
ومعارك الارهاب عقله رصدها
سيفٍ على البدعه وبالصدق ممشاه
واليّا طلع عصبه خبيثه حصدها
وخالد الفيصل في مكه عرفناه
اكمل حقوق أم القرى ماقتصدها
من راس فيصل والحلايا حلاياه
ياجعل فيصل فالجنان وبردها
وأرض الحرم استبشرت عند مبداه
بدر الكرم اشرق بنوره سعدها
ماخاب من جا لبن سلطان وينخاه
ومن دور الفزعة بجاهه وجدها
وعصابة الارهاب لاالشر مهداه
في ديار بيت الله جاها نكدها
موجهين من النفوس المخباه
اللي دلايلها تبين إحكدها
والدين يبرا من مزيف حلاياه
نفساً من الإيمان ربي جردها
من خان دين الله يلقى جزاياه
نهار ترمى جثته في لحدها
ابوه جاه الهم من ذالمفاجاه
وامه تبرت من مصيبة ولدها
وتقول خاب اللي خبيثه نوياه
وياليتها ماضمته في نهدها
ودون الوطن بالدم والروح نفداه
محبةً فالنفس دايم نجدها
وحب الوطن فالقلب حنا وجدناه
وتعمى عيون الحاسد اللي حسدها
ويالله ياللي كل الارزاق بيداه
ترحم جنودٍ دافعت عن بلدها
إرجال بايعنا على عهد يمناه
نوفي مدام ارواحنا في جسدها
ولا ننقض البيعه وعهدٍ قطعناه
انورثه لجيالنا من بعدها
واميرنا محمد على الطيب شفناه
مثل الجبال الراسيه نعتمدها
محمد ابن الصقر معروف مبداه
مثل الكواسر حولت في هددها
يبان فعله لا تعزوى بشلفاه
اسلاحنا لو بغثرت في قردها
وصلوا على المختار إعداد منشاه
إعداد ماسبح بحمده رعدها