يارب عوضنا على مابنيناه
حبٍ خسرنا فيه حلو الليالي
حبٍ قديمٍ غيرنا كم تناساه
وأنا بمرور الوقت يطري فبالي
أهديته البسمه وأهداني الآه
حاولت اعايش واقعٍ في خيالي
تعبت أمشي له واتابع له أخطاه
وتعبت عيوني من دموع الليالي
العمر يمضي وارهق الفكر ذكراه
ويصد مايرفق بقلبي وحالي
الحين لو ينشد عن الحال واشجاه
باذكره مايوم قدّر سؤالي
اليوم بارحل واترك الحزن يغشاه
وانسى معاناتي واباعيش سالي
أول نسى حبي وأنا اليوم بأنساه
قد كان عشقي لكن العمر غالي