عبدالرحمن السعيد
اييييه ياعذب المعاني والكلام
اييييه ياوجه الفجر في رحلتي
أطهر إمن الماء في كبد الغمام
وأنبل إمن الدمع بأقصى مقلتي
يادليل القلب والدنيا زحام
ياحنان الوقت وأجمل فرحتي
جيت في دنيا الوله كلّي غرام
وأرتويتك حب بأطيب نيتي
انت آخر أمنياتي في الهيام
وانت أول قلب جابر عثرتي
كبرياء الحب يرسل لك سلام
زخرفه عشقي مع انانيتي
طيفك اللي زارني وقت المنام
خله بصدري يسامر نبضتي
انت كل الود بعيون الوئام
وانت ورد العمر بمزهريتي
الحمام اللي يغنّي للسلام
غرّد إباسمك طرب في دنيتي
أنت أعذب إسم في كل الكلام
وانت نور الفجر بأول رحلتي