عبدالرحمن السعيد
حنا كبرنا وانتهت رحلة الطيش
واحلامنا كبرت وصارت تجارب
نبغى رضى الرحمن والستر ونعيش
بكوخ الأمل وبستان حبٍ وقارب
ننفض غبار الحزن م الكتف بشويش
ونسدد أراء الزمان ونقارب
ماعمرنا عشنا حياة الخفافيش
وماعمرنا ننكر جميل المشارب
الطير فرقه مايجي بكسوة الريش
الحر تفرق سطوته بالمضارب
آخر زمن شفنا ذكر صبغته ميش
وانثى لها بين المطالب مآرب
ماتقدر إتواجه تقاليد بالجيش
المعرفه أرقى واهدى محارب
بعض المواقف مالها غير تطنيش
حنكه وفطنه من كبار الشوارب
يامن قضى عمره بدرب التحاريش
ويامن ترك حبله على كل غارب
افطن لوقتك قبل ياليت او ليش
في وقت لاملجا ولو كنت هارب
ويامدور الراحه مع لقمة العيش
لاتجزع إمن الوقت لو كان خارب
وحنّا كبرنا عن عمر حزة الطيش
وشفنا تجاربهم وعشنا تجارب