شموخ المالكي
الصمت هذا صار واقف على حد
حتى العتب عن كل صاحب احده
غلطات اقاربنا بنينا لها سد
ولاعاد نفتح للمشاريه سده
دام الزعل من خاطري غادر وشد
قلت اتحمل كل زله وشده
اصبحت ادور للمعاذير وآعد
وين الصديق اللي صدوقاً اعده
روّح ولا خلّى عذر يشرح الصد
ليته مقدر طيبتي قبل صده
يادمع ياللي تجرح القلب والخد
ياما يديني عانقت دمع خده
البحر يشرح صدر الاشواق بالمد
ياليت روحي بين جزره ومده
ياذكريات الماضي الحيل منهد
الوصل من كسّر جسوره وهده
التعليقات 2
2 pings
الزهيراء
18/05/2019 في 1:52 م[3] رابط التعليق
صح لسانك واعتلا شانك اخت شموخ
حسن الصغير
18/05/2019 في 1:55 م[3] رابط التعليق
مبدعه كعادتك ولليستغرب الإبداع من اهله موفقه ان شاء الله