شموخ المالكي
مات العطر بزجاجته مابعد فاح
عطرك على ادراج جرحي يعاني
في غيبتك حتى الفرح مابعد لاح
ابكي على صوت الحزن لا اعتراني
طعنتني بالهجر ياجور الارماح
وانا احسبك لاجار وقتي اماني
رفعتك بصدري الين العتب طاح
وجمعتك بشعري ولحن الاغاني
معاد لي خطوة على درب الافراح
ولاعاد لي لبيه يامن دعاني
الله مع اللي راح كل العمر راح
وانا هنا ببقى لنفسي عشاني
وين ارتباط اقلوبنا ودمج الارواح؟
ومعانق امواج البحر للمواني
ايوه من بعد المكاسب والارباح
خسارةً ضيعت منها مكاني
اقول مرتاح(ن) ولا ني بمرتاح
واقول مبسوطه ولو كنت اعاني
يوم انتثر جرحي كما حب مسباح
من فوق هامات القمم والمباني
مشحاح ياحظي ولا زلت مشحاح
ليتك كريم ً لي ويسعد زماني
التعليقات 4
4 pings
إنتقل إلى نموذج التعليقات ↓
عبدالرحمن القرشد
01/09/2019 في 11:10 م[3] رابط التعليق
صح لسانك إبداع غير مستغرب من شاعرة بجيلة
علي المالكي
02/09/2019 في 7:31 ص[3] رابط التعليق
مبدعه جداااااااااا
صويب العيون
02/09/2019 في 4:01 م[3] رابط التعليق
صح لسسسسسانك
ليتك طعنت القلب برماح وسلاح
ولا قهرته بالعيون الحساني
ان كان دمي من طعون الغلا ساح
بتشوف دمعك من جفا شخص ثاني
ولها تكمله
صويب العيون
02/09/2019 في 4:10 م[3] رابط التعليق
يوم انتثر جرحي كما حب مسباح
من فوق هامات القمم والمباني
مشحاح ياحظي ولا زلت مشحاح
ليتك كريم ً لي ويسعد زماني