أسعد السحيمي
زان القصيـد وزان قافي والاوزان
من يوم حل لدولـة المجد طـاري
دولـه لها فسّرت زندي علشـان
أشب من زند الجزيلات نـاري
دار السعـود اللي لها العز عنوان
تخضع لها روس الرجال الكباري
دار السعود اللي على مر الازمـان
حثـت ركايبهـا على الازدهـاري
واليوم في حكم الله وثم سلمـان
ملك على حزم الصعيبات ضاري
سلمان اخو نوره وللعلم نيشـان
لاقال للخاين حـذاري حـذاري
يمـر مخلابــه علـى كـل خـــوان
مثل الصقر لا خمْ خرب الحباري
حرّك على شان اليمن سرب شجعـان
تمطـر على روس المعـادي شـراري
وردّه على ايــران واذنـاب ايــران
بالمدفعيــه الصـاروخ الحــراري
هو راعي الصمـلات لاعـج دخــان
وهو راعي الطـولات يوم القــراري
حر ٍ على الهدات بالحيل شفقان
والحـر ماينجـب ياكـود الحـراري
وجانا ولي العهـد مـذرا ومزبـان
لاحك عـود بعـود يوم الغـداري
محمـد ألـي باللقــا طير حــوران
يهبط على الصعبه هبوط إضطراري
ضاري على الناموس في كل ميدان
وعليـه من جـده كثيـر المـواري
لا قال يفعل وان فعل شد الاذهان
وما كل من يسري يجيد المساري
والفعل لا اقوال الرجاجيل برهان
وانشهـد إن يزيـد فيـه افتخــاري
هذا ولد راع الوفـا عالي الشـان
ودايـم سجلاتــه بهـا الانتصـاري
عدّل مفاهيم الحضـاره بالاكـوان
وأسس قواعـد كل دار حضـاري
خطط لرؤيا تهدف لبني الاوطـان
من عقب ماكانت هضاب وصحاري
ويارب تحفظ خادم البيت سلمـان
وولي عهد المملكـه والديـاري