موسى بن محيا
للعز والله ياوطن نور الأوطان
مكه وطيبه وجهة الكون وأبها
والعاصمه مثل القمر نور الأعيان
تنشر مزاياها وتنثر اخطبها
يالله ترحم من دفع غال الاثمان
عبدالعزيز الفارس اللي كسبها
سيفه محنا بالشرف للوفا بان
على مشارف نجد لاح وكتبها
خلى الصحاري جنةً جوف بستان
وأسس حضاره والجهاله شطبها
نهض كيان العلم والجيل برهان
وقاد السياسه والمراجل نصبها
درّب اخو نوره طويلين الايمان
اسعود واخوانه صقورً ندبها
اخذو وصاته واحفظوهابالأعيان
المملكة مابين عين وهدبها
وصى هل العوجا هل السيف واعنان
فيصل و خالد والفهد يافهدها
ومن عقب ابوفيصل خطمها كحيلان
نهضه كبيره والحضاره جذبها
ياجعل ابو متعب على الحوض رويان
في جنة الفردوس يقطف شهدها
واخوانهم فالمجد نايف وسلطان
حرايرً مثل الذهب في حسبها
يالله تجزاهم على الخير بحسان
وتجعل سعادتهم بعفوك سببها
ويالله تنصرنا على الحوث وإيران
وتسلم ديار المملكه من نشبها
الحيه الرقطى على السر وإعلان
تضحك بفمها والغدر في ذنبها
يالله تفضخ رأسها جوف طهران
ويمهص ظهرها الصقر ويطى شنبها
وتصير للخائن على الباب عنوان
من جامل العقرب يموت بعطبها
ويالله تنصرنا على كل خَوَّان
في ظل حكاماً عرفنا نسبها
الدين مبدأها على الحق ميزان
والصدق ممشاها وكلاً ندبها
للكايده حكمه وللخيل فرسان
والمرجله تقبس وحنا شببها
للسلم سلم وللمعادين عدوان
واخصامنا بالسيف نكحل هدبها
واليا دفعك ابليس يالخصم خسران
ندفنك في نارك وجيشك حطبها
ننصاك بالتوحيد ويقفاك شيطان
نصلى جنوبه بالمثاني ولهبها
(العلم والاصلاح) في كف سلمان
الحربه اللي للفتن نحتسبها
يامؤسس الرؤية ترى الكل كسبان
العز في رأيك وشعبك كسبها
محمد ابن الصقر فالحكم له شان
واليا التفت فالجيش طشت أرتبها
هي من طناخة راس ولا قوي ايمان
ولا الشجاعه تكرم اللي نهبها
وارث معّزي موهبة قلب واللسان
مثل الفهد عمه دروبه شربها
واليا انتثر الدم في عج دخان
ارواحناترخص وتنفض عصبها
شجعان بايعنا على الموت شجعان
بيت الشرف خل القصور ذهبها
جيلاً ورا جيلاً على مرّ الازمان
كل المكارم من جذره شربها
وقدامنا فالمجد محمدوسلمان
من روس صقرًحكمته مكتسبها
امدح سنام المجد والبال نشطان
ولي فكرةٍ فالمدح محد قربها
للعز والله ياوطن وافي أركان
لك عزةً فالدين ربي وهبها