شخصٍ ويدخل وسط مجموعة إزحام
تايه وهو مابين ربعه وخوانه
غرر به الملعون وألبس له إحزام
وأعطاه وعدٍ للجنان وضمانه
حكم على نفسه وخوانه بالإعدام
ونحر حياته في بداية زمانه
عندي سؤالٍ واحدٍ لاهل الإعلام
وأبغى جوابٍ واضحٍ في بيانه
الحين نحمي الدين من ناس الإسلام؟
وإلا من أعداء البلد والديانه؟
شباب في عمر الطهاره والأحلام
راحوا بطريق الكفر وإلا الخيانه
إحدٍ ذبح له من خواله والأعمام
وإحدٍ ذبح أبوه وأدمى حنانه
تفجير وتخريب وتكفير حكام
مشوا ورى شيطان ذل وهوانه
درب الضياع ودرب ضيّق وأوهام
وأوسع دهاليزه طريق المهانه
يامن حمى بيته من ألآف الأعوام
تحمي بلدنا وديننا عز شانه