عبدالرحمن السعيد
مهما حصل مشاعري فيك وحده
تحمل غلا وتحمل وفا وتحمل أشواق
القلب ما يذخر على الحب جهده
ولا بتشوفي مثلنا إثنين عشاق
الله يدري كيف الإحساس وحده
ومكانتك مابين عينٍ وخفاق
القلب اعطى في الهوى معك عهده
ماينكثه ومسكنك في وسط الأعماق
عمر الوفي مايخلف بيوم وعده
وأنا الوفا فيني لو الدم ينراق
البُعد خوفٍ يذبحك صوت رعده
ويقتل شعور الحلم بقلوب وأحداق
العشق بستانٍ وأنا أهديك ورده
وردة أمل من إيد عاشق ومشتاق
والعمر رحله بين مهده ولحده
والطيب صيته ينذكر بين الافاق
ومهما حصل فينا لك الحب وحده
بتغيب وبترجع وألاقيك بأشواق