قالت كرهتك وشلَت مسمعي بالحروف
معقول كانت.. تمثل دور.. مسكينه
معقول اخطيت وانا أسامح واعذر واشوف
معقول ضيعتي.. …حنيني وسنينه
ياما عطيتك حب واحساس ملهوف
واصبر على بُعدك واعايش أنينه
ويلاه ياقلبٍ ذبحه الهم وانتابه الخوف
وانتي ولا تدرين عن ضيمه وحنينه
مات الفرح ولا بقى ياخاطري طيوف
تعيش فيني ولا حتى مكانٍ تسكنينه
مسحت دمعك بكفي وللاسف نفس الكفوف
عادت تجر أذيالها….. لعيني حزينه
حتى ولو كرهك قريته حزن بأعماق الحروف
تبقين في عيني وفي ذنبي سجينه