إزهمولي شاعر نلعب معه والليل توّه
ياعسى في الأمر خير وياعسى في الامر خيره
وين عبد الله وعبد الله من إرجال المروّه
ساعة الميقاف والرجال مايجهل مسيره
جميل مشخص
أرحب أرحب ياجميل وهات ماعندك وسوّه
وإن نويت الصيد لاتنسى تسويلك جريره
لاتهون ولايهون اللي قرا حضرة سموّه
ياجميل العلم وأستاذ المعرفه وأنت أميره
عبدالله ضبعان
البقى ياصاحبي لكن طو البيت طوّه
مالقينا في الدّير ياصاحبي حبة شعيره
أدري الشعار واجد بس أنا اأوفك منوّه
معك أمير الشعر ومجهزلك إسلاح وذخيره
جميل مشخص
دامنا بارض الله وتنعم أواصرنا أخوّه
دوك تشمير السواعد وكل امر وفيه خيره
ماعلى شرواك زود وهات من منشاك نوّه
والنياشين البعيدة دونها تضيع الشعيره
عبدالله ضبعان
أنت ياعبد الله اللي فيك نوع من الجروّه
والبعير شعيل طول الليل يزعجكم هديره
صاحبك رمحٍ ليا منه مكن منحر عدوّه
والله إنك ماتشوف من القماش إلا حريره
جميل مشخص
يابو مشخص لو بغيت الزرع يعطي طلع روّه
والمعاني كنّها لك ورد يهديلك عبيره
عبدالله الضبعان