مرحوم يا شيخ الكرم ياإبراهيم
يا بوحسين الطاهر الناصع البار
يا عطر آل صنبع ونصر المظاليم
يا نادر ٍ مابين أندار الأخيار
يبكيك ٍطيب ٍكنت في وسطه إتهيم
ويشهد عليه القوم ومن كان لك جار
وتبكيك نخوة داخلك كانت إتقيم
وتبكيك فزعة تمتلك وسطك إصرار
ويبكيك علم ٍ كم رأي منْك تصميم
وهمك يلاقي بكل طلابك أثار
ياعل قبر ٍ وسطه ادفنت للغيم
يرويه ربي برحمة ٍ مثل الأمطار
ويمسح على قلبٍ غدى بعدك إيتيم
وصدور ياهي بعد موتك بها نار
مرحوم يا نهر ٍ قضى عمره إسليم
عسى جنان الخلد يالشهم لك دار