إذا ودك ترحلي
الله معك إرحلي
عند الفجر
مع طيور
الحمام.
واخذي
كل اللي تبينه
حتى ضي عيني
واتركي لي
الظلام.
لكن أمانة
قلبي رجعينه
وجرديه من المشاعر
ونسيه العشق و
الغرام.
وعذبيه حتى ينسى
سهر الليالي
والأيام الخوالي
ونظرات
الهيام.
وخليه ما يقدر يحبك
ولا يفز لي إذكروا إسمك
ولا يشتاق
لأحلى
الكلام.
وقسيه حتى يتناسى أماكن
كان يفوح فيها عطرك
ولما يشوفك
ما يرجف ويهمس
سلام.
واجرحيه حتى ينسى حروف إسمك
واتركيه ينزف كل قطرة دم تودك
وينسى
أيام
الخصام.
واجعليه قلب
بلا روح تحبك
ولا أوتاره تحسك
ويعيش في راحة
ووئام.
وخبريه وشلون يعافك
ووشلون يتحمل
نظرات عيونك
لما ترسل
سهام.
وانزعي منه الحنان
وازرعي فيه الأمان
وعلميه كيف
يعرف
ينام.
وكيف يقدر يحيا بدونك
وكيف ما يطير بعشقك
فوق
هام السحب
والغمام.
وامحي كل نسمة باقية
واجحدي كل همسة غالية
وفرقي كل أرواح مغرمة
في توافق
وإنسجام.
وقيدي كل الأحاسيس
وكبلي جميع المشاعر
وخليه ما يكون
في حيرة
وملام.
وانقضي كل العهود
واخلفي كل الوعود
وبعثري جميع الأمنيات
على شاطئ
الأوهام.
وإن ما قدرتي إزرعي لي قلب ثاني
قلب يجهل يحبك
ويشوفك ذكرى
في
أحلام.
التعليقات 1
1 ping
ابوسامر
25/01/2018 في 5:52 ص[3] رابط التعليق
يالله صباح خير