عبدالرحمن السعيد
اضحك عسى عمرك مع الفرح دايم
وإنس الزعل ماهوب مخلوق لأجلك
نورك كسى كل الليالي العتايم
ودرب الأمل شافك أمان ونده لك
قلبٍ وسط صدري من العشق هايم
ماقد عرف في غبة الشوق قبلك
أهدَى من النسناس وقت النسايم
والورد في ريحه ووصفه شبه لك
قالوا بأن من غاب جا بالغنايم
وأكبر غنيمه جبتها معك وصلك
ماني بسامع فيك واشي ولايم
يامن صعب حظي يعانده سهلك
جو الغلا من جيتك صار غايم
يمطر عشق ويلم شملي وشملك
ياجعل ضحكك دوم والفرح دايم
دام الزعل ماهوب مخلوق لاجلك
التعليقات 3
3 pings
الشاعرة الندى
03/02/2018 في 7:51 ص[3] رابط التعليق
صححح السانك
الشاعرة الندى
03/02/2018 في 7:51 ص[3] رابط التعليق
صحححح السااانك
د. محمد العيسى
04/02/2018 في 4:06 م[3] رابط التعليق
صح لسانك يالغلا