محاوره شعرية بين الشاعرين محمد الشهراني ابو غزيل وعبدالرحمن الزهراني الصليب تحت إدارة وإشراف الشاعر محمد ال مهيد:
يا مرحبا يا محمد لاح برق السحاب
والغيم هلت مزونه من قريب وبعيد
يا بو غزيل عجزنا ما عرفنا الجواب
ودي تجينا بصدق اخبار من بن مهيد
عبدالرحمن الزهراني
فيك البقا عد وبل الخير والعلم طاب
وأخضرت الارض والعصفور فوق الجريد
ما شاب لغز السنافي يا عزيز الجانب
والفرق واضح ما بين الشك وأهل الاكيد
محمد الشهراني
قلت افتح الباب ضقت وقمت قفلت باب
وانا لك الله ما احب الزعل يا عنيد
لا تشغل الناس خل الناس تاكل لباب
كم عـاش محزون فالدنيا وغيره سعيد
عبدالرحمن الزهراني
مثلك رفيـــع المقام ومسكنه فالهضاب
واخاف مثلك يصيف في تهامه وحيد
ابا أنشدك عن عنود الصيد ذات الخضاب
وشلون صيدت وانا ما قد خبرتك تصيد
محمد الشهراني
صاحبك قلبه يحب وراح قلبه وذاب
بسباب من حبها نارٍ بقلبه تقيد
كل ما نداريه ونماريه روّح وغاب
يقول من هرجة النقاد وش نستفيد
عبد الرحمن الزهراني
الْيَوْمَ بسجل اسمك وأدرجه فالكتاب
يا شاعرً صادته عذرى على ما تريد
وش مكسبك من مقفى وانت تطرد سراب
اخبرك عاقل ورجالًا تحب النشيد
محمد الشهراني
يابو غزيل يصير الحر يرجع غراب
والبدو تنسى عوايدها وتنسى الشديد
احذر تقول الخطا وانته تعرف الصواب
واحذر تخاوي قليل الرشد والا البليد
عبدالرحمن الزهراني
يا ليت ناصح محمد بالنصيحات تاب
ما قد خبرت الخشب في يوم يكسر حديد
يا بو محمد ترى ما ودي لك بالعذاب
لا ويش يا صاحبي عن درب حقً تحيد
محمد الشهراني
ان كان قلبك حجر قلبي عليل ومصاب
وانا دواي وعلاجي عند بنت العقيد
وان كنت صاحب فلا تكثر علي العتاب
مانت ابن غانم ولا وصلّت لبن الرشيد
عبدالرحمن الزهراني
الله يعينك على بلواك يابو الشباب
والله يرحم مخلد ذكر مجدًا تليد
تعال نقرا عليك وكل شيء بحساب
الحمد لله مثلي ما يحب الهبيد
محمد الشهراني
اذا لقينا لذيذ الزاد غاب الشراب
الحظ عاثر وحظك يا محمد جويد
من عام وانا ارقبك وانته تشيل الخطاب
من قصر في قصر من حولك جنود وعبيد
عبد الرحمن الزهراني
الله يهنيك يالله يا عساها تجاب
يابو عيونً تدارج تحسب انك وليد
اقلطك للشحم لكن ف الخرج داب
عذراك كلً سرقها مير ليتك تفيد
محمد الشهراني
يا بو غزيل صغير وشفت عارضك شاب
وانته من الحب خالي جعل عمرك مديد
لا عاد تبدي علينا في ثياب الشباب
وانته علومك قديمه قدم بيت الحميد
عبدالرحمن الزهراني