فهد العوفي  

فهد محمد العوفي

يـانبع حرف القصيده عطني إمداده
بـكـلّـفه فــي صـبـاح الـعـيد بـمـهمّه

فـيـها نـهـني وطـنّـا بـأفضل اعـياده
ونـشـاركـه فـرحـتـه والـهـمّه الـهـمّه

بـأسم الـمواطن نـهني خـيرة الـقاده
ونــجـدد الـعـهد والـمـيثاق والـذمّـه

أخـوان نـوره هـل الـعليا هم الساده
صفوت ملوك العرب من خيرة الأمّه

عـيال عـودن مـوحدها عـلى جياده
يـالـيـن صـــارت بـعـون الله مـلـتمّه

والـيوم سـلمان كـمّل بـاقي أمـجاده
ولــي عـهـده مـحـمد عـاشق الـقـمّه

يـاجعلهم فـي رخـاء وبـخير وزياده
ومـنـهو يـعـادي وطـنـا يـنـهدر دمّـه

يـاجـعل عـيـن الـعـدو بـالـهمّ وقّـاده
الـلي يـبي فـي وطـنا حرب ومطمّه

جـعله يـذوّب سوات الملح في زاده
ويـموت مـوتة كـسيرن ذابـحه همّه

الـلي مـع الـفرس دايـم ينقل شداده
يـتبع مـهابيل مـاتلبس سـوى الـعمّه

يـقول حـاكم وعـنده مـلك وسـياده
مـايـدري إن الـسـياده مـاهـي بـيـمّه

جـداه يـنفث عـلى الأدنـين بأحقاده
أنـا أشـهد إنـه خـسر خيرة بني عمّه