( الفراق الطويل )
مايفيد العتـب كثـر المشاريـه
لاتعاتـب علـى قـل الكـلافـه
عاشقك لو يعرف العمر وشفيـه
ماتشوفه جلس فـي ظـل قافـه
الفراق الطويـل اللـي بتحكيـه
شفّتـك قالتـه لـي بإرتجافـه
شيئٍ تخـاف منّـه .. لاتسويـه
سو شيـئٍ تخـاف انـك تخافـه
شاعرٍ كنت تنبـت شعـر بيديـه
شوفه اليوم يكتب عـن جفافـه
ان بغى يوصلك ماعـاد يمديـه
وان بغى ينتظرك العمـر طافـه
مختلف .. لو يشابه من حواليـه
ميـر ماضيّعـه غيـر اختلافـه
لو رحل عن عيونك .. لاتناديـه
يا يخونك .. او يخون المسافـه
رح .. وانا لو بعاف الدرب بمشيه
مجبر احيـان تعشـق ماتعافـه
ايه احبك .. وحبك ويـن اوديـه
عن حنيني وهـو لامـر شافـه
.. وابتدى حزني اللي بنتهي فيـه
وانتهينـا علـى قـل الكـلافـه
حلمي اللي قضيت العمـر اربيـه
مات قـدام عينـي .. ياحسافـه
(
(
