د. محمد عوجري 

// مفعل بقلبي بعد ماقد تغير //

أمسيت انا ساهر وحالي مكدر
قلبي وجيع والراس يضرب صداعه

صبرت بس زاد اﻵلم فيني اكثر
قلت أسعفوني قبل اموت ياجماعه

شلوني المشفى وقالوا تصبر
دخلت قسم المختبر والاشاعه

واني بدكتوره لها حسن يسحر
حن شفتها والضغط خف ارتفاعه

قالت لي ويش اسمك عسا ماتری شر
جلست اناصامت يجي نص ساعه

أسمي انا قالت تذكر تذكر
أسمك أمين قدني سالت الجماعه

قالت سعودي قلت من أرض حمير
قالت هلا ونعم بقوم الشجاعه

سألتها مسمش ومن أي بندر
قالت سعودية واسمي براعه

وش يوجعك قلت الفؤاد قدتأثر
قالت أكيد الحب زاد التياعه

قلت اﻵلم كله في الشق الايسر
ودي علاج ماعاد فيني مراعه

قالت فؤادك الهوی فيه سيطر
لابد نزرع قلب ثاني زراعه

فقلت ياجناه واليوم الاغبر
هذا كلامش صدق ام هو اشاعه

مفعل بقلبي بعدما قد تغير
هذا فؤاد يابنت مشو بضاعه

مسكت يدي قالت علاجك موفر
وذاب عاطف حين مسكت ذراعه

ولا دريت الا وجسمي تخدر
وسار اﻵلم مني ووقف صراعه

ودخلتني بحر وانا في البر
عيونها ليزر قتلني شعاعه

هجوم قاتل قصف من كل محور
مازد قدر قلبي يجهز دفاعه

قالت أحبك قلت الله واكبر
ويش اعجبش في صورتي يابراعه

قالت أحبك فوق ماانك تصور
عجبني اخلاقك وحلوت طباعه

واشعارك اللي قد ملت كل دفتر
وسمعتك فالفيس بوك والاذاعه

قصايدك عندي من العام اللي مر
طبعتها في وسط قلبي طباعه

واليوم ربي بالقاء فيك قدر
ارجوك لا تحرم قليبي متاعه

الله والاحراج واليوم الادبر
حسيت عقلي قد بدا في ضياعه

خلت امين حمر وخضر وصفر
حاولت اقوم لكن بدون استطاعه

فقلت يادكتوره القلب قرر
اعلنت لش حبي وسمعآ وطاعه

امين قدو في ذمتش وانتي اخبر
اعطاء فؤاده لش وللحب باعه

وفالاخير ياقلب عاطف تصبر
ودعتك اللي ما يخون الوداعه
==================
كلمات الشاعر / أمين عاطف
==================