يحيى خبراني 

لشاعر علي العتيبي

هذه القصيدة إهداء خاص من الأستاذ/ علي العتيبي إلى صديقة ورفيق دربة الأستاذ/ خالد خبراني بمناسبة فوزه بجائزة مبدع_2015م

بسم الله الرحمان نبـدء بالذكـر
ولا خاب من قوله بذكر الله بـداه

من بعدها يا هاجسي مالك عذر
هات البيوت اللي تشـد الانتبـاه

من شان خالد لا تجيب الا الـدرر
الصاحب اللي جيت اشارك من غلاه

تكريمه يخليني اشـعر بالفخـر
لانـه مثل نجمً تعلى في سـمـاه

متميز وصاحب طموحات وفكـر
وشعاره الابـداع في كل اتجـاه

موهوب موهبته بدت منذُ الصغر
وواصل عليها لين طور مسـتواه

واللي زرع يحصد ومن يصبر ظفر
وكلً على ما قيـل محصوله جنـاه

وخالد زرع الابداع واسقاه الصبر
حتى حصد لنجاز وادرك مبتغاه

ويـومً يكـرم فيـه خـالد يعتـبــر
من اجمل الايام في طول الحياة

يستاهل التكريم مرفق بالشكر
و الله يبـارك فيه ويحقق منـاه

واللي يبـي ينجـز ويتركله اثــر
ويصـير لـه مجدً تناقله الـرواه

ابا انصحه واقول له بالمختصر
او يعتبر ما اقول له مني وصاه

مدام خالد صاحب انجاز وفكر
خلك علا منهاجه وتـابع خطـاه

وقبل الختـام الشكر لولاة الامـر
ومن كرم اهل الفكر جعله للغناه

وصلى الله وسلم على خير البشر
نبينـا اللـي دلنـا درب النجـاه