علي المحنشي 

الشاعر – عبدالرحمن المحنشي

اليوم عيد الوطن ياديرة القبله
ياسَعْدْ آل السعود وشعبك الوافي
اليوم عيدك وراح الفِكر ينظِم له
أصْدَق شعور الوَلاء مْصَوّرَه قافي
شاعر واذا صار فيك الشِعر أشْتَقله
يامَنهل الدين إنتي نَبْعَنا الصافي
ياالمملكه دام عِزّك مَفْخَرَة أهله
في ظِل راس العداله هام الإْنْصافي
سلماننا القايد اللي ماخُلِق مِثْلَه
إبن المُؤَسِس ولايحتاج عِرّافي
عبدالعزيز المُوحّد راسخٍ فِعله
ياحَيْ ماطا قِدَمْهْ الطاهِر الحافي
يوم إن غيره أخذها جاهزه سَهْله
مَلَكْ بسيفه وطن مُمتَد الأْطرافي
ولاهان عَضْدَ المليك مُوثّق النَقْله
بن نايف الأمن عَزْ وُذَبحَة الهافي
الطامع اللي ضُمُور العقل صوّر له
يجتاح قاعٍ جنوده صُقّل رهافي
ولا قلت نايف فكل الشعب ياقف له
وقفة إشاده بلا إنكار وإْجحافي
الشعب يغفى وعين الأمن تسهرله
ياحلم نايف ولا من ثار ياكافي
بركان يحرق بناره كل ماقبله
إسمه يزعزع سُكون العَدوْ ويخافي
يرحمه ربي وعسى الفردوس يكتب له
وعسى المزن كل حزّه للقبر لافي
ويامن وَلِيْ لوَلِي العهد يانَجْلَه
يامن جميع البشر حبَّك وما عافي
محمد النيل كنّه أو كما دِجله
يجري وعَذْبه فُرات ودايمٍ صافي
شِبِيه جدّه وُأَخَذ هِيْبَتْه مع ثُقله
يرمي ودايم دقيق بصيد الأْهدافي
تسمو المراجل لآل سعود باالجمله
صغيرهم طانخٍ زيزوم وسنافي
لامن تكلّم شيوخ العلم تَنصِت له
ومدّتْه ْتَشبِع جياع أيتام وضعافي
وجازان تَكْفَيْ أمانه غايتي قُبلَه
تبرِي جروح الزمن جازان وتشافي
بخشم أمير الرُقِي والنهضه العَجْلَه
أميرك اللي عساه يدوم متعافي
ضمّك مثل ضمتّه ياالمترفه نجْله
وكساك بُشت السُمُو الساترالضافي
محمد بكل فخر ذا الإسم ينحَت له
في صدر أهلك محبّه ماتبي حِلاَفِي
ياامير واللي جميع الأمر يرجع له
يدري بحبّك إلهٍ يعلم الخافي
ياامير جازان حبّك صَخْرَه وُسَهلَه
وحبّوك أهله يبو تركي بإلحافي
وهذا سلامي على السيفين والنخله
وخيرالأسامي محمد وانت عَرّافي