الشاعر عبدالله الضبعان
من لايعدك ربح عده خساره
ومن لايعدك شي عده ولا شي
بيتٍ عليه الراس يلزم وقاره
لو كان ماهولي ولكن تقل لي
ماني على مبسط وطى القاع قاره
انا شموخي يحتزم به جبل طي
راسي على المتنين عده مناره
منصى واحث خطاي واقصر عن الغي
انا ولد عودٍ كما الحيد داره
مزموم ولمن عاضبتله ضفى فَي
واسمي على اسمه فعل يمنى واماره
لو كان مارسمي على رسمه ايجي
يقصر مداري عن محاري مداره
وانا على دربه تعلقت رجلي
ومن عاف داري مقفيٍ عفت داره
يكرم علوّي مايدنّي على السي
ماهمني من لاشنى شب ناره
علمي براس منزّه الحظ يزمي
ياغيث لاتشره على ام الزباره
لو مانبتت حتى ولو ترهي الري
في شرهة المدات فرق ونعاره
يِنبت طمانه لكن علوّها عَي
حكمه الاهيّه فروق وسطاره
وعزوم خلق الله بغيضي تجي بي
يالشاعر البيطار عذري شعاره
من حد جاشي لين جاشك يلبي
اقبل هديره لين خالف مساره
والا غزيرك له مساره ومجزي
بيتك خذاني لين عشت الاثاره
وانا عميق وهاجسي مرهي الطي
ماجيتله من ضعف والا شطاره
جيته وجرحي ساطيٍ بي ومدمي
عبدالله_الضبعان
Snap: abdullah_dhaban