رحلة غروب الشمس تشبه غيابك
ماادري بتجي تشرق على القلب بُكره
تغيب وأسهر طيف حضرة جنابك
وأستأذنه يبقى على القلب سَكره
ماأفيق منها وأنتعش من شرابك
وتكون أجمل حب في الروح ذِكره
تكفى يكون أجمل شروقي شبابك
وأكون بعيونك بطل غير مُكره
ياصاحبي قلبي وقف من عذابك
أنا بشر أحب وأحيان أكره
تدرين إيش معنى أعانق سرابك
يعني عرفتك عشق وأصبحت نكره
غروب شمسك تحكي رحلة ذهابك
وأما رجوعك صار في الغيب فكره
أبنتظر موعد شروق وإيابك
لاتامن لكرسي العنا وزود مَكره
أعشق غياب الشمس وأكره غيابك
يمكن تجي ويمكن أنا أموت بُكره