النبض بين الحنايا والكلام الكلام
مادام فيه قلب لازم فيه نبض وقلق
وانت نهبت المشاعر بحنحات الحمام
وطير الاحلام من عش الفؤاد انطلق
والنور كله وضوح ولايحب الظلام
وهو شقيقه ومن وجهه لمع وانفلق
واللي عطيته فؤاد ولايرد السلام
ليته على الطيش مايجنح ولا ينزلق
ياللي محياك يلمع في خدود الغمام
من يوم أقبلت شفته في الافق يصطلق
هون ترى الروح راحت والحكاية هيام
والمسألة بيننا ماتت ولا تنخلق
وثورة الشك دارت في حلوق الختام
والريب كله دواير والدواير حلق
ترابطت لين فكت معطيات الوئام
ووجهها ماي مابين النطف والعلق
وانا رميت الزعامة للصقر والنعام
واخترت من زاوية فكري وميض الألق
احسن لي اعيش بين الود والاحترام
واموت وانا على نفسي بعد منغلق