سلام يا قبر بك الطيب و الجود
سلام : أمسى فيك أعزّ الرجالِ
ضميت غالي شامخ كنه الطود
ابو حسينٍ : عزوتي قول و فعالِ
اليوم من فرقاك قلوبنا كلها لحود
الحزن خيم بينا والمدامع سجالِ
ياما نصاك اللي تعسر و مفقود
و ياما سريت مع قريبٍ و غالي
لك منزل من شهرته فاحت العود
يازين بشتك في المحفلة و العقالِ
تمشي على المسجد ولا لك اقعود
و تعرف حقوق الله و شد الرحالِ
يا جعل قبرك روضة زهر و ورود
تضوي عليك و وسعةٍ في المجالِ
لانك كريم القوم شاهد ومشهود
و لك منزل فوق النجوم العوالي
ياخوي من فرقاك احوالنا سود
و عيوننا تبكيك يومها و الليالي
لو كنت أودع غيرك اليوم معدود
ما سالت دموعي ولا اهتم بالي
لكن حكم الله أ هو خير معبود
نصبر لأحكامه عليه اتكالي