.
.
.
كان المشاعر
لي بقلبك باقيه
ردي علي لا ترحلين
كان إنتي باقي
بالمحبه وافيه
عودي علي لاتقطعين
وإن كان
عندك لي بقت
ذكرى من ايام(ن) مضت
وافراحنا إللي إنقظت
وليل جمعنا عاشقين
ردي علي
كل الليالي والسهر
ردي علي
ردي حياتي والنظر
ردي علي
إن كان باقي تذكرين
لاتنكرين
والشوق في عينك يبين
لاتدعين
كل الليالي والحنين
تاهت مع مر السنين
ادري بقاياها معك
والهمس فيها والضحك
باقي يداعب مسمعك
باقي صداها تسمعين
ردي علي ردي علي
خلي الخواطر صافيه
مادام يجمعنا حنين
ادري انا ادري خطيت
وادري بحقك كم قسيت
هذا انا عندك وجيت
هذا انا كلي ندم
استسمحك زلة قدم
غلطة وابي منك العذر
كافي لقلبي مجافيه
هذا انا كلي رجا
استسمحك من مامضى
ذي عبرتي
ذي دمعتي
دمعة ندم
لك ترتجي
ردي علي
لو اي شي
قولي رضيت
قولي نسيت
لاتسكتين
ادري خطيت
ادري على قلبك قسيت
هذا انا عندك وجيت
واطلب من عيونك عذر
ردي علي .. بأي شي
ردي علي ..ردي الجواب
ردي علي بأي شئ
ردي ولو كلمة عتاب
وإن كان لازم تبعدين
ذا موتي وانتي تحكمين
بس ادفني قلبي هنا
من قبل لا لا ترحلين
