د/ عبدالرحمن السعيد”الجريح”
الجو روعه والسفر جاب طاريك
ياجعلني مسافر على رمش عينك
القلب تاقف نبضته في حراويك
والنفس فيها أنفاس من ياسمينك
يازهرة الأشواق في روح مغليك
ياكوكب العشاق عطني يدينك
سافر بقلبي في غلاتك وأهنيك
وخلني مرامك في بواقي سنينك
في رحلتي كل السوالف تناديك
إسمك على لساني وعيني بعينك
إسطورة أشواقي تتمتم وتهذيك
سمّتني الأفراح وأنا حزينك
أتخيلك جالس قبالي وأياديك
تحضن يديني ويآسر القلب زينك
أنا صباح الحب وتالي مساريك
وأنتي سفر روحي لقاصي حنينك
بالحيل أحبك وأذكرك وأنتخي فيك
والوقت وقتك وأجمل الحين حينك
الجو روعه في وجودك وطاريك
وتزيد روعتنا ويديني بيدينك