عبدالرحمن السعيد
يامساء الشعر والعشق النقي
من عيون اللي يحب وفاض بوح
يامسا شعور الأناقه والرُقي
في عيونٍ مابها ساحل شحوح
كل حلمٍ من طموحاتي لقي
فيك نبراس الأماني والطموح
بين خطوات السعاده والشقي
لمسةٍ تشفى بها كل الجروح
ياعيونه طالعيني وأوثقي
في ملامح تبتسم والوقت نوح
راضيٍ باللي كتبه الله وبقي
للأمل في خاطره طفلٍ لحوح
كل مايصرخ علينا أطرقي
صدر من صاير جسد من غير روح
إجمعي همومك وهمي وإحرقي
كل جرحٍ وإتبعي نبضٍ نصوح
ولو بقى للحلم ثقبٍ إسرقي
كل أفراحك من القلب السموح
ياسما العشاق غصبٍ تبرقي
أمطري وإطفي عنا قلبٍ لفوح
من زمن ماقيل ( ودي نلتقي )
والحنين بداخلي عطرٍ يفوح
أغربي ياشمس وإلا أشرقي
دام نوره في الحنايا مايروح
وفي مساء الشعر والعشق النقي
فاض قلبي حب قبل يفيض بوح