د. محمد عوجري 

مدمن غرامك وأنت مدمن عذابي
وكلاٍ يزيد لصاحبه من تعاطيه

يزيد حبك كل لحظه بغيابي
ويزيد بُعدك وإتسارع خطاويه

مدري العنا مكتوب لي في كتابي
وإلا الفراق أقبل وهاذي مواريه

مات إهتمامك وأنت تذبح عتابي
وزاد إشتياقي والمعاناة تكويه

حنيت لأيامك معي في شبابي
وأنكرت كل اللي معايه تسويه

مخطي بحبي وإلا فاقد صوابي
وإلا الصواب أقفى وأنا كنت مخطيه

عاشق ترابك لين أصبح ترابي
حتى ولو تبعد وجات المشاريه

في حالة إدماني بأعيش بعذابي
وتزيد في بُعدك وأزيد بتعاطيه