عبدالرحمن السعيد
يحق لك مالا ترى يحق للغير
تسطو على صدري وتسرق خفوقي
وأبشرك قلبي معك دوم في خير
حتى ولو تسلبني أبسط حقوقي
مجرم غلا قيدتني دون تحرير
من تحتي وخلفي وأمامي وفوقي
أجمل هوى جتني معاه التباشير
واغلى عشق يسهر معي وسط موقي
مثلك مثل ذكرى الفرح في التصاوير
تبعث بنا ضحك الصغار ونروقي
حتى ولو يبدر على الحب تقصير
معذور ياتاج الولى وكلّ شوقي
طلتك تكفي القلب عن أي تبرير
وهمستك تطفي من حشايه حروقي
بسمات تسوى ضحك كل الغنادير
ولمسات تنثر عطر داخل عروقي
وردك يعانق ياسمينٍ ونوّير
ونورك بدا في القلب وأعلن شروقي
ويحق لك مالا ترى يحق للغير
لأنك أصلاً غير داخل خفوقي