موسى بن محيا
سلام ياراس الوفى والوفيين
يااللي حكمت المجد دقه وجلّه
عبدالعزيز محنكك يااحمر العين
اللي حكم بالعدل والسيف سلّه
خلى الجزيره عامره بالبساتين
والشعب حبه وانت صقرٍ محلّه
ياوارث إمعزي زعيم الشياهين
المجد في يمناك والخير كلّه
اضرب على الكايد تهج الشياطين
انته تعقد الرأي وانته تحلّه
محمد وريث المجد صقرالسلاطين
وجه السعد والخير دايم يدلّه
في ظل بشته تستظل المسلمين
والشرق الأوسط والدول تحت ظلّه
في كُم بشته يستضيف المساكين
واللي غدره الوقت والّهم شلّه
أبشر يابن سلمان لك عندنا دين
حب الوطن من مزنةٍ مستهلّه