موسى ابن أديم الحربي
دام عـزك يـا وطـن في يـوم تـوحـيـد الجـزيـرة
تحت حكم القايـد اللي مثل ضلع طويـق راسي
الملك ســلمـان رجل الـحــزم قـايـد للمسـيـره
رئيس العشرين في العشرين يوم الوقت قاسي
مع ولي الـعـهـد درع المملكـه قـوه خـطـيـره
فيه من جده و بـوه العـزم و العقل السـياسي
رؤيـة محمد ولـي الـعـهـد بـالفكـر و بـصيـره
احيـت الارض المـوات نـيـوم موقع دوبلوماسي
يـا ولي العهد روح الشـعب و سـلاحه و اميره
الـتـمسـنا بيدك التـطـويـر في وقتٍ قيـاسـي
و الـرخا و الامن سـاد المملكـه في كـل ديـره
و السـعودي يفتخر و يجهز الحفل الحماسي
تحتفل قبيلة الجدعان حـرب اهل المغيره
بالولاء و نجـدد البـيعـه على العهد الأساسي
قلتها بإســم القبيله شـرح و شيوخ العشيره
الشيوخ اللي لهم في المجد والمنصب كراسي
يـا ولاة الأمـر حـنـا جيـشـكـم نـار و ذخـيــره
نعتلي في الطائره حتى البوارج في المراسي
ما نهاب الموت من دون الوطن لاجاء نذيره
كـلـنـا نـفـدا وطـنـا بالـرجـال و قـو بـاسـي
ما انوجد في صفنا خاين و لا هجس ضميره
الذهـب صافي جنيـهه ما يـتداول بالنـحاسي
الثلاث البيـض للجدعان في الخـوه و جيـره
فعلهم ينشاف في الميقاف لاشتد العماسي
نرفع الخفاق الأخضـر فالسـما يلمع حريـره
في يد أعيـون السـواهر ما يقربها النعاسـي