عبدالرحمن السعيد
الله يسامحني على حسن ظنّي
ظنيت في قلبك وفي قربك الخير
لي قلب وافي في الغرام ويحنّي
يحفظك في غيبتك مع كل تقدير
ضحيت بالغالي لعينك لإنّي
صادق معك و محبتي بالهوى غير
عاشق وفي قلبه هدوء وتأني
كم ساق لك احلى الفرح والتباشير
لكن عوافي كل ما جاك منّي
الحمدلله مابدر أيّ تقصير
بتفقد وجودي يومٍ اتغيب عنّي
وتعاني بدوني صدوف و مقادير
انا بهالدنيا وحياتك كأني
خسارةٍ فاقت جميع المخاسير
احسنت ظنّي فيك ولحسن ظنّي
ادعي بغيابك ياعسى تكون في خير